اهم حاجه لازم تنظمى وقت الاكل-- يعنى مفيش اى اكل بين الوجبه والثانيه
وفى الافطار والغداء كلى كل حاجه نفسك فيها لاكن اقدرى على نفسك وقومى
من على الاكل وانت حاسه انك عايزه تكملى يعنى معلقة الارز الاخير اللى
حتشبعك بلاشها -- والرسول عليه افضل الصلاة والسلام قال--نحن قوم لانأكل
حتى نجوع واّن اكلنا لا نشبع -- وما ملأ ابن أدم وعاء شر من بطنه-- وكمان
أياكى والعشاء --ولو حسيتى انك جعانه اشربى ماء كتير او كلى بيضه مسلوقه
او خياره او جزرايه او طمطمايه --ممكن للى متعوده على العشاء تتعب فى الاول
لاكن بعد كده حتتعود -- وصدقينى انتى حترتاحى جدأ بعد كده وحتدعي لى
واكثرى من اكل الخضروات الطازجه مثل الفجل والجرجير والكثبره الخضراء
والبقدونس بجانب الاكل--اى اكل --ولو استمريتى على كده -- حتشوفى
النتيجه -- لان الشعور بالجوع بيخلى الجسم يجتر من الدهون الذائده
فيه وحتشعرى انك خفيفه فى حركتك --ولا الراحه النفسيه الى حتشعرى
بيها -- ويارب الموضوع يعجبكم
الإثنين يناير 11, 2010 10:45 pm
