....عاوزين تعملوا حاجة عشان مصر ..... تعالو

بسم الله الرحمن الرحيم

حاسين بالعجز....عاوزين تعملوا حاجة عشان أقتصاد مصر .....ورايا

السلام عليكم ورحمة الله وبركاته

حاسين
بالضيق والخنقة والعجز......وحاسين أنكم مش عارفين تعملوا حاجه عشان
أقتصاد مصر يقف على رجليه ....طيب بعد مادرست وبحثت وسألت وفكرت هاأقولكم
على كام خطوه نعملها عشان خاطر بلدنا
وياريت مدير المنتدى يثنت الموضوع لك نستفيد

وبرده ياريت نركز على النقطة 3 و4 بالذات عشان دول تأثيرهم مباشر

1- عودة الهدوء:
كل اللى يعرف حد هيتظاهر يدعوه للهدوء ولعودة الحياة فى مصر لطبيعتها وأننا نفض الأعتصامات والمطالبات والمظاهرات

هنستفيد أيه:

- نرجع أشغالنا ونشتغل أحسن من الأول وبكده نساهم فى الناتج القومى
- عودة السياحة
تدريجياً وأحنا عارفين أن عندنا فى مصر 2 مليون عامل فى المجال ده رزقهم
انقطع ده غير أنه بيشكل جزء كبير من الناتج القومى بتاعنا وطبعاً مافيش
سائح هيرجع لمصر فى غياب الأمن ووجود الأعتصامات
وحالياً شعوب كتير متعاطفه معانا

2- الأشتراك فى مشروعى عمرو خالد

عمرو خالد بيحاول حالياً يعمل مشروعين أيه هما:
- مشروع دعم المشروعات الصغيرة
- مشروع محو الأميه فى عامين
اللى عاوز يتطوع يدخل على موقع عمرو خالد ويسأل على التفاصيل
هنستفيد أيه:
- دعم الشباب الخريجين والأسر الفقيرة والناس اللى طردت من أعمالها نتيجه تدهور الحاله الأقتصادية فى الفترة الأخيره فى مصر

3- ودى أهم نقطه الأستثمار فى البورصه المصريه:

البورصه المصرية خسرت مليارات ده غير أن ديون مصر وصلت الى 1080 مليار وفى عجز كبير فى الموازنه والجنيه المصرى انخفض بشده
عشان كده جاءت دعوات للأستثمار فى البورصه نستثمر ب 100 جنيه أسهم
متهيألى المبلغ مش كبير لدرجه مدمرة وناس كتير تقدر تتنازل عن 100 جنيه عشان خاطر بلدنا

طيب ليه وأزاى؟

هنستفيد أيه:
- الأسراع فى
أنقاذ البورصه وبالتالى أنقاذ مصر ده غير أننا هنرسل بالشكل ده رساله
للمستثمرين سواء عرب أو مصريين او اجانب أن الأستثمار فى مصر أمن وأن الشعب
المصرى بيتكاتف لأنقاذ أقتصاد بلده وبالتالى عودة الثقه فى البورصه
المصريه

- إتجاه وطنى يعنى نبقى أحنا كمصريين مشتركين بأسهم فى كل مصنع وكل شركه وكل مؤسسه وكل مشروع بدل مانعتمد على رأس المال الأجنبى

أزاى نشترك:
حاجة من أتنين وبسرعه نعملها يوم الأحد القادم ده
1- نتصل بأى شركه من شركات الوساطه الماليه وناخد منهم أسماء الشركات اللى ممكن نشترى أسهم فيها وأزاى نعمل كده وده رابط هايفيدنا:
[ندعوك للتسجيل في المنتدى أو التعريف بنفسك لمعاينة هذا الرابط]

2- نروح لأقرب فرع لبنك مصر أو البنك الأهلى لبيتنا ونسأل عن صناديق الأستثمار فى البورصه ونشترى سهم ب 100 جنيه وده الحد الأدنى

4- للأعضاء اللى بيجى لهم حوالات من الخارج:
أذا أى عضو بيجيله حواله من الخارج بالدولار الأمريكى بالذات سواء من زوج او اخ او والد ياريت نحول المال ده لجنيه مصرى من البنك مش الصرافات

5- المصريين المغتربين:
ياجماعة كل
المغتربين او اللى يعرف حد مغترب نفسه يعمل حاجة عشان مصر فى حساب عمله
البنك المركزى المصرى عشان يحولوا الأموال عليه ورقمه
885175

6- عدم السكوت على اى فساد:

أى مخالفات او فساد نبلغ فوراً بدون خوف او تردد لأن سكوتنا هيرجع المصريين تانى جزء من
منظومة الفساد وده مرفوض نبلغ على الفيس بوك أو التلفزيون المصرى او
النائب العام لحد بس الشرطه ماترجع وتوقف شوية البلطجيه ومعدومى الضمير دول
عند حدهم
والله المستعان
ومستنى اراءكم جميعا وبسرعة
كل واحد يقولى ناوى يعمل ايه

ده موضوع يستاهل التثبيت
حقا من يريد العمل لا ينتظر

ياريت والكل لازم يعمل لازم

بجد موضوع هايل واكثر من رائع
جزاك الله خيرا